Question 1

كم الحد الأدنى للطلب؟

Accepted Answer

10 بوكسات، بوكس لكل شخص. لو تبي أقل، راسلنا على واتساب ونشوف وش نقدر نسوي.

Question 2

قبل كم لازم أطلب؟

Accepted Answer

24 ساعة للطلبات لين 50 بوكس، و48 ساعة من 51 بوكس. صفحة الطلب توريك أقرب موعد ووقت متاح على طول. ما نوصل نفس اليوم.

Question 3

هل السعر شامل الضريبة والتوصيل؟

Accepted Answer

إيه، كل سعر معروض شامل ضريبة القيمة المضافة 15%. التوصيل مجاني من 15 بوكس، و80 ريال لو أقل. ما فيه أي رسوم ثانية.

Question 4

وين توصلون ومتى؟

Accepted Answer

كل الرياض، كل يوم، في أي وقت تختاره من 8 الصبح إلى 11 بالليل. يوم الجمعة من الساعة 2 الظهر وبعدها.

Question 5

كيف الدفع؟

Accepted Answer

ما تدفع شي وقت إرسال الطلب. نؤكد التفاصيل على واتساب من 8 الصبح إلى 6 المساء، كل يوم، وبعدها نرسل الفاتورة: تحويل بنكي، أو رابط دفع بالبطاقة (مدى / فيزا / ماستركارد) إذا تبي.

Question 6

وش يعني نص ونص؟

Accepted Answer

كل ساندويتش OPTIONS مقطوع نصين. وقت الطلب توزّع الأنصاف على الأنواع زي ما تبي، وكل شخص ياخذ نكهتين في بوكس واحد.

Question 7

عندكم خيارات للحساسية والمتطلبات الغذائية؟

Accepted Answer

كل ساندويتش وسلطة مكتوب عندها مسببات الحساسية الرئيسية في المنيو وفي نموذج الطلب. اكتب أي متطلبات في خانة الملاحظات ونرتبها معك وقت التأكيد. مطبخنا يتعامل مع الجلوتين والألبان والبيض والمكسرات والأسماك والقشريات، فما نقدر نضمن خلو أي صنف منها تمامًا.

Question 8

أقدر ألغي أو أعدّل الطلب؟

Accepted Answer

الإلغاء مجاني لين 24 ساعة قبل وقت التوصيل. خلال آخر 24 ساعة نحسب 50% لأن التجهيز يكون بدأ. تعديل العدد أو التوزيع مرحّب فيه لنفس الوقت.

Question 9

تقدرون تكتبون رسالة أو اسم على البوكسات؟

Accepted Answer

أكيد. اكتب الرسالة في خانة الملاحظات (مثلًا: تهنئة، اسم الفعالية، أسماء الأشخاص) ونراجع التفاصيل معك وقت التأكيد.

Question 10

عندكم ضيافة قهوة أو مضيف في الموقع؟

Accepted Answer

إيه. تقدر تضيف ركن قهوة وشاي (قهوة سعودية مع تمر، قهوة سادة، شاي) يوصل مع البوكسات من 10 بوكسات، أو مضيف من OPTIONS يجهّز ويقدّم ويرتّب لمدة ساعتين تقريبًا من 15 بوكس. تختارها في صفحة الطلب، ونأكد سعرها على واتساب مع تأكيد الطلب.

Question 11

عندنا فعالية كبيرة. تقبلون أكثر من 500 بوكس؟

Accepted Answer

الموقع يقبل لين 500 بوكس. لو أكثر، أو تبي طلب أسبوعي متكرر، راسلنا على واتساب أو ops@options.com.sa ونرتب لك عرض سعر خاص.

أسئلة تتكرر علينا، وإجابات على طول.